Болат Мажағұлов Токиодағы Азия чемпионатының қола жүлдегері, бразилиялық джиу-джитсуден көк белбеудің иегері.
"Қазақстан Республикасының джиу-джитсу қауымдастығы елімізде аталмыш спорт түрін дамыту мақсатында құрылды. Қауымдастық қызметі Қазақстанның ұлттық комитетімен танылып, Қазақстан Республикасының мәдениет және спорт министрлігінің Спорт және дене шынықтыру комитетімен аккредиттелген. Сонымен қатар Қауымдастық Халықаралық джиу-джитсу федерациясының (JJIF) мүшесі болып табылады", делінген баспасөз хабарламасында.
Қауымдастық құрамына Қазақстанның 16 облысының және Астана мен Алматы қалаларының федерациялары кіреді. Қазір спортшылар Жакартадағы (Индонезия) Азия ойындарына дайындық үстінде.
